anachoztdOtcOm

Ada satu kaka nyong depu nama gaul bilang na “Broken”, suatu saat dia jelong-jelong kaliling Kota Karang (Broken bilang na “Mai Trip Mai Lak-lak”), karena setiap hari di kampong na dia pi melaut tiap malam trus (Broken pu istila na “Mai Sliip Sonde Teratur”).

Nah, setelah habis jelong-jelong ni ka Broken pung badan dong sakii samua bai, je ka Broken rencana malam na mo kas represhing badan di tampa pijat dong.
Pas malam na ka Broken pi masok di satu tampa pijat yang depu nama talalu asik pung (nama salah satu bunga). Pas masok di dalam bagini na ka Broken langsung ditawari pelayan.
tu palayan bilang “malam kakz, mao pijat ya? Ada satu tukang pijat yang baru datang dar Jawa ni kk mao koh? Tapi depu harga aga beda sadiki kakz”.
Tanpa banya omong le ka Broken langsung bilang “Ok zip itu sudah, depu pembayaran aman saja la”. :D

Ni palayan langsung antar ka Broken masok kamar, trus ka Broken disuru buka pakean samua lalu pake handuk bagitu ko baring di tampa tidor sambil tunggu Mba tukang pijat.
Sonde lama bagitu na tukang pijat su datang di ka Broken ko langsung mulai pijat.
Awalnya ni mba tukang pijat de mulai dar ka Broken pung kapala, habis itu turun di badan, nah pas mba mulai pijat di deka ka Broken pung Area Sensitip na mba bilang “PUNTEN”. Habis itu mba mulai pijit di bagian laen lai, tapi kalo stiap kali mba pijit di bagian Area Sensitip ka Broken na mba slalu bilang “PUNTEN”. :D :D

Setelah selesei pijat na mba bilang “udah mas, mas boleh pake pakean mas”.
Ka Broken bilang “awi, sudah ni ko mba?? Pung capat ame lai!!.
Mba bilang “walah mas, cepet apaan mas? Buktinya aq lemas sehabis mijatin mas” sambil pasang muka cemberut + cape. :D :D
Ka Broken “Adoh mba ew, padahal b mo minta mba pijat ulang di bagian Punten lai tu na. tapi mba su cape jadi biar nanti laen kali ja”.. :D :D :D

Sumber : #ceweretMomi